Вучевиќ рече дека опозицијата има право да бара импичмент на владата по несреќата во Нови Сад, но дека „мора да бидат свесни дека состојбата на настрешницата на железничката станица не е политичко, туку професионално прашање“.
Вучевиќ во утринската програма на ТВ Пинк изјави дека е сигурен дека повеќе министри ќе поднесат оставки, но дека е важно да се направи разлика помеѓу политичка и кривична одговорност.
Тој смета дека мора да се донесе рационална одлука за оставки и дека таквите одлуки не се носат под притисок на јавноста и социјалните мрежи.
„Тоа е сосема природен процес по се што ни се случи на 1 ноември, ќе има уште оставки. Но, политичката одговорност нема врска со кривичната одговорност. Утврдувањето на кривичната одговорност е на Обвинителството кое си ја врши работата“, додаде Вучевиќ.
„Не се оправдувам, но не знам во каква состојба беа тие кабли и не би можел да го знам тоа, а тоа не е тема и работа за политичарите, туку за професијата, а мојата одговорност сепак ќе се разговара“, заклучи Вучевиќ.