Поранешниот претседател на Србија, Александар Вучиќ, тврди дека нема причина да стравува од апсење и дека против него не постојат докази поврзани со финансиски злоупотреби. Тој ова го изјави во гостување на телевизијата Пинк, каде што порача дека никогаш не потпишувал документи поврзани со пари.
Како што пренесува агенцијата Бета, Вучиќ синоќа зборувал за можноста да биде уапсен, при што нагласил дека не гледа основа за такво нешто.
„Јас не потпишувам ниту правам нешто во врска со парите и ништо не може да се најде во врска со тоа. Не знам дали ме разбирате. Можете да прашате дали тој (Вучиќ) му рекол нешто на некого… Тие немаат ништо“, изјави поранешниот српски претседател.
Со оваа изјава Вучиќ отфрли каква било поврзаност со евентуални финансиски неправилности и порача дека, според него, не постои основа за негово гонење.