До 13 часот денеска во земјава се регистрирани вкупно 11 пожари на отворен простор, од кои седум се активни, три се под контрола, а еден е изгаснат, соопшти Центарот за управување со кризи.
Активни пожари има во Сарај, Гостивар, Македонски Брод, Чашка, Јегуновце, Прилеп и Охрид, при што гори ниска и мешана шума, вегетација, пасишта, папрат и диви депонии.
Пожарите под контрола се во Делчево, Студеничани, Зелениково и Пласница, каде најчесто е зафатена мешана шума или депонии. Во пожарот меѓу Трново и селата Битово, Заград и Страјане зафатени се нискостеблеста шума, ниска вегетација, пасишта и папрат.
Изгаснат е пожарот во струмичкото село Банско, каде горела дива депонија.