Ова е Васко Јолески, лице со механичко срце.
За луѓето како Васко, батериите и електричната енергија значат живот.
Кога се дома можат да бидат приклучени со кабел во струја, но за да излезат надвор им се потребни батерии.
По бројните настојувања и барања, конечно овие лица добија резервни батерии, приклучени на механичката пумпа 24 часа.
Велат дека сега можат да спијат мирно и без страв дека во некој момент ќе снема струја и нивното срце ќе престане да чука.
Васко вели дека државата има капацитет и треба да им обезбеди услови на лицата како него.
Ослободени се и од партиципација и ќе се лекуваат бесплатно.
Васко смета дека во Македонија има добри лекари, но дека државата треба да води смета за условите за работа.
Овие лица за контрола еднаш месечно и анализи трошат 12 илјади, а за терапија околу 9.000 денари.