Во полициската акција која е во тек на северот на Црна Гора, се вршат претреси во повеќе градови, а запленети се над 100 парчиња оружје, најмногу во Плав, пренесува порталот РТЦГ.
Како што се наведува, полициската управа спроведува голема акција со цел борба против организираните криминални групи.
Според црногорскиот портал, полицијата упаднала во просториите на неколку лица осомничени за поврзаност со организирани криминални групи.
Не се само полицајците од Црна Гора кои деновиве претресуваат и апсат членови на криминални кругови.
Припадниците на Министерството за внатрешни работи во Бор го уапсија Б.Ѓ. (1988) и М.Л. (1979) од овој град поради постоење основи на сомнение дека сториле кривично дело неовластено производство и пуштање во промет наркотични дроги.
На патот Бор-Параќин, полицијата запрела возило „туарег“ управувано од Б.Ѓ., додека сопатникот М.Л., при што биле пронајдени околу 51 грам кокаин.
После тоа, при претрес на станот на М.Л., откриени се околу 14 грама кокаин, 117 капсули за зголемување на масата на наркотици и дигитална вага за прецизно мерење.
Во гаражата што ја користел Б. пронајдена е дробилка и дигитална вага, како и 18 вреќи со бакарни одлеаноци, за кои постои сомневање дека се украдени.
Поради оваа причина, против Б.Ѓ. треба да се поднесе и кривична пријава за тешка кражба.