АКО го сакате ѓумбирот, тогаш мора да го пробате нашиот едноставен рецепт за захаросан ѓумбир! Овој вкусен деликатес може да има и бројни здравствени придобивки, бидејќи е познато дека ѓумбирот го подобрува варењето, го намалува холестеролот и го спречува развојот на срцеви заболувања.
Захаросениот ѓумбир може да биде слатка закуска, но и додаток на разни десерти, а е и одличен лек за мачнини. И најдобриот дел? Овој рецепт лесно се подготвува дома и можете да го контролирате количеството шеќер што го користите. Па зошто да не го пробате и да ги искористите многуте придобивки од ѓумбирот? Нема да бидете разочарани.
Подготовка
Рецептот е навистина едноставен и бара само три состојки: свеж ѓумбир, вода и шеќер.
Започнете со лупење на ѓумбирот, па исечете го на прстени со дебелина од околу 1 см. Во тенџере ставете го излупениот и исечкан ѓумбир и наполнете го со приближно половина од подготвената вода. Гответе на средна топлина 1 час, а потоа исцедете. Во тенџерето истурете го остатокот од водата и околу 2/3 од шеќерот и сè заедно варете уште еден час.
После тоа, исцедете го шеќерниот сируп и префрлете ги парчињата ѓумбир во чинија. Остатокот од шеќерот наросете го на чинијата и сите парчиња виткајте ги за да бидат целосно покриени со него. Захаросениот ѓумбир ставете го на плех покриен со хартија за печење и ставете го да се исуши на суво место помеѓу 8 и 24 часа.