Заврши гласањето на предвремените избори за градоначалник на Општина Брвеница. Избирачките места, кои беа отворени од 7 часот наутро, се затворени, а сега се очекуваат првичните резултати од изборниот процес.
Жителите на десетте населени места денеска го избираа наследникот на Јовица Илиевски, кој ненадејно почина на 23 јуни годинава.
До изборот на нов градоначалник, функцијата вршител на должноста ја извршуваше Роберт Милошески.