Украинскиот претседател Володимир Зеленски на 4 март изјави дека неговиот спор со Доналд Трамп минатата недела е „за жалење“ и дека е подготвен да работи под водство на американскиот претседател за траен мир, додавајќи дека „дојде време да се поправат работите“.
„Нашата средба во Вашингтон, во Белата куќа, во петокот, не помина според планираното. Жално е што се случи на овој начин. Време е да се постават работите на место. „Би сакале идната соработка и комуникација да бидат конструктивни“, напиша украинскиот лидер во X.
I would like to reiterate Ukraine’s commitment to peace.
— Volodymyr Zelenskyy / Володимир Зеленський (@ZelenskyyUa) March 4, 2025
None of us wants an endless war. Ukraine is ready to come to the negotiating table as soon as possible to bring lasting peace closer. Nobody wants peace more than Ukrainians. My team and I stand ready to work under…
Тој додаде дека е подготвен да го потпише договорот за минерални суровини во секое време и како што ќе му одговара. Во изминатите 24 часа, Зеленски се мачеше да ги поправи односите со Трамп, кои се чини дека се распаднаа по „жешкиот“ инцидент во Белата куќа.
Вчера доби уште еден напад од американскиот претседател, кој за Зеленски изјави: „Нема да го толерираме уште многу“. Конкретно, иритиран од завчерашната изјава на Зеленски дека мирот е премногу далеку, републиканецот цитираше линк од Асошиетед прес и напиша:
„Ова е најлошата изјава што Зеленски може да ја даде и Америка нема да ја толерира уште долго!
На прес-конференцијата во Лондон во неделата вечер, Володимир Зеленски истакна дека каков било договор за ставање крај на војната меѓу Украина и Русија е сè уште „многу, многу далеку“.
Тензиите меѓу двете земји достигнаа врв по жестоката средба на која Трамп го обвини Зеленски дека „игра“ со ризикот од трета светска војна и го повика да се врати „кога ќе биде подготвен за мир“.
Според Фокс њуз, договорот за минерали меѓу Украина и САД, кој би обезбедил одредени безбедносни гаранции за Киев, нема да биде потпишан „се додека Зеленски не се појави пред камерите и не упати експлицитно јавно извинување за своето однесување на состанокот во Овалната соба“.