Пред претседателската канцеларија во Киев започна протест во поддршка на министерот за одбрана Михаил Федоров. Неколку стотици луѓе се собраа на плоштадот Франко за да го изразат своето противење на неговото разрешување, пишува Украинска правда.
Демонстрантите носат транспаренти со следниве натписи: „Федоров е министер за одбрана“, „Зошто?“, „Не го допирајте она што функционира“, „Рацете тргнете од Федоров“, „Вратете го Федоров“ и „Власта сè уште му припаѓа на народот“.
Украинската јавна телевизија „Суспилна“ објави дека слични демонстрации се одржуваат и во други делови од Украина.
Good morning from Kyiv. Thousands of Ukrainians are turning out for another rare wartime public protest — a year after the last one — demanding that President Zelenskyy reappoint popular defense minister Mykahilo Fedorov. Ukraine’s parliament is scheduled to begin voting in a new… pic.twitter.com/X2C9f0RhP4
— Christopher Miller (@ChristopherJM) July 16, 2026
Граѓаните се собраа во мирни „картонски протести“ против разрешувањето на Федоров пред деловна зграда на улицата Хрушевского во Ивано-Франкивск, пред зградата на градскиот совет во Виница, на Театарскиот плоштад во Луцк и во Одеса.
Да потсетиме, вчера Зеленски го разреши Михајло Федоров од функцијата министер за одбрана на Украина, што е најновото во низата потези во реконструкцијата на неговата администрација. Промената следеше по вчерашниот состанок со военото раководство, а самиот Федоров ја потврди доцна навечер со објава на социјалните мрежи, пишува „The Kiev Independent“.
Во објавата, тој наведе повеќе од 20 големи достигнувања од неговиот мандат, вклучувајќи го и одбивањето на руските сили да пристапат до системот Starlink, кампања против руската логистика во окупираниот Крим и „непопуларна, но исклучително важна“ иницијатива за воена реформа. Министерот во заминување, исто така, наведе три цели што не успеа да ги постигне: целосна трансформација на украинското Министерство за одбрана „во согласност со НАТО и здравиот разум“, реорганизација на системот за воени набавки и градење „култура на одговорност“.
„Ви благодарам на сите што ја бранат Украина и работат за победа“, напиша Федоров. „Ви благодарам на целиот мој тим за нивната ефикасна служба 24/7… Ќе продолжам да работам на мисијата со која дојдов во Министерството за одбрана – да го поразам непријателот преку асиметрија, брзина на иновации и силата на нашата организација.“