Украинскиот претседател Володомир Зеленски на социјалната мрежа „Икс“ напиша дека имал разговори со Кир Стармер, Емануел Макрон и Фридрих Мерц и дека сите забележале дека позицијата на Украина е значително посилна.
„Разговарав со Кир Стармер, Емануел Макрон и Фридрих Мерц во форматот Е3–Украина. Главниот фокус беше како да се обезбеди повторно заживување на дипломатијата за мир и Европа да биде дел од неа. Сите партнери забележуваат дека позицијата на Украина е значително посилна – и на бојното поле и во нашите операции со долг дострел. Ова е значајно, и токму ваквиот наш притисок може да предизвика промена кон правилна и ефикасна дипломатија. Се договоривме нашите советници за национална безбедност да се сретнат во блиска иднина.
Исто така, ги информирав лидерите за руските планови – во врска со Украина, Белорусија и други правци во Европа. Следиме сè што е поврзано со нивните политички и воени намери. Нашите тимови ќе разменат подетални достапни информации на разузнавачко ниво. Разговаравме и за комуникацијата со американската страна. Правиме сè за да обезбедиме вистински мир. Слава ѝ на Украина“, напиша Зеленски.
I had a call with @Keir_Starmer, @EmmanuelMacron, and @bundeskanzler Friedrich Merz – the E3–Ukraine format. The main focus was on how to ensure that diplomacy for peace is reinvigorated and that Europe is part of it. All partners note that Ukraine’s position is significantly… pic.twitter.com/hZdVA0prxW
— Volodymyr Zelenskyy / Володимир Зеленський (@ZelenskyyUa) May 22, 2026