Соединетите Американски Држави ќе понудат безбедносни гаранции на Украина, под услов Киев да ѝ го предаде целиот Донбас на Русија, изјави денес украинскиот претседател Володимир Зеленски.
Според него, поради војната меѓу САД и Израел против Иран, американскиот претседател Доналд Трамп врши притисок врз Украина што поскоро да ја заврши војната против Русија, пренесува Ројтерс.
„Блискиот Исток дефинитивно има влијание врз претседателот Трамп и неговите следни чекори. Претседателот Трамп, за жал, според мене, продолжува да избира стратегија за поголем притисок врз украинската страна. Американците се подготвени да ги финализираат гаранциите на високо ниво кога Украина ќе биде подготвена да се повлече од Донбас“, рече Зеленски.