Ждрепка за Лига на Нации: Македонија во група со Грузија, Естонија и Ерменија

Селекциите на Грузија, на Естонија и на Ерменија, ќе бидат противниците на фудбалската репрезентација на Македонија во второто издание во Лигата на Нации.

Ова беше исходот од ждрепката одржана денеска во Амстердам.

Македонија ќе биде во Лигата Ц2. Натпреварите се играат од септември 2020 до јуни 2021 година.

Во минатото издание на Лигата на Нации, нашата селекција го освои првото место, и на крајот од овој месец ќе игра во полуфиналето, а потоа ако победи и во финалето. Победникот оди на Европско првенство 2020 година.