Да се живее како калуѓерка е дефинитивно необично. Имаат едноставен живот и целото битие им е посветено на молитвите и Бога.
Сестра Нина за ТВ21 ја раскажува за себе и другите 6 сестри како го поминуваат денот во манастирот Пречиста во Кичево. Денот им започнува со утринска молитва, а потоа имаат дневна рутина на обврски и работа. Сестра Нина заедно со уште 6 други монахињи во 2017 година од друг манастир се сместени во манастирот Пречиста и оттогаш живеат тука и во текот на денот имаат одредени задачи што треба да завршат.
Велат дека можат да излезат од манастирот доколку е потребно, додека нивните роднини можат да дојдат да ги посетат кога сакаат. Тие не се чувствуваат заробено бидејќи, како што рече сестра Нина, тоа го прават со желба и љубов.
Многумина од нас се прашуваат како живеат таму и што јадат, бидејќи не земаат ни плата, а овој дел го објаснува сестра Нина која вели дека имаат добиток од кој произведуваат млечни производи и потоа го продаваат.
Манастирот Света Богородица-Пречиста е еден од најстарите манастири во Кичево и најголем во Македонија. Се наоѓа на надморска височина од 930 метри.
Овој манастир започнал да се гради во 1316 година до 1320 година и бил опожарен три пати по што повторно бил изграден.
За изградбата на манастирот во овој дел на Кичево има посебна приказна за која сестра Нина раскажува, вели дека историјата на манастирот е поврзана со доаѓањето на оваа икона.
Во втората половина на 20 век, манастирот Пречиста станал женски манастир, бидејќи дотогаш функционирал како манастир понекогаш за жени, а понекогаш за мажи. Манастирот е отворен и за посетители, а внатре во него има различни приказни, за постоењето на училиште, за иконата која неколку пати сама доаѓала во манастирот итн.