"Jemi të gatshëm t'i japim një shansë Marrëveshjes së 2 qershorit"

Pas disa ditëve paqartësi se çfarë po ndodh në skenën politike në Maqedoni edhe pushteti edhe opozita sinjalizojnë se janë të gatshëm t’i japin edhe një shansë Marrëveshjes së 2 qershorit, pasi javën e kaluar takimi i Brukselit përfundoi pa rezultat. Keryeministri Gruevski, para mbajtjes së komitetit qëndror të VMRO DPMNE-së ka deklaruar se partia e tij kërkon zgjidhje dhe dalje nga kriza,transmeton zhurnalmk
“Ne jemi të orientuar për dalje nga kriza. Unë mendoj se bisedimet do të vazhdojë”, tha Gruevski.
Edhe te LSDM-ja ka gatishmëri për përpjekje të reja për dalje nga kriza, por edhe për një kohë të shkurtër. Pas mbledhjes me partnerët e koalicionit nga blloku opozitar LSDM morri vendim se ka mundësi për vazhdimin e bisedimeve, por princip themelor duhet të jenë zgjedhjet e lira dhe demokratike, si dhe qeveri teknike pa kryeministrin Gruevski.