Aleanca e Gruas po mban Kuvendin VII Zgjedhor

Pas pezullimit treditor të aktiviteteve zgjedhore në parti, për shkak të ndalimit të padrejtë të kryetarit Haradinaj në Slloveni, gjatë kthimit pas vizittës zyrtare në Berlin, AAK i është kthyer pr të brendshëm zgjedhor me mbajtjen e Kuvendit VII Zgjedhor të AGK-së.
Prezenca e kryetarit Haradinaj në këtë kuvend, është pritur me ovacione, në një atmosferë madhështore, nga të gjitha gratë pjesëmarrëse në këtë kuvend.
Kryetari Haradinaj e ka përshkruar si të padrejtë, absurd dhe ofendues ndalimin e tij nga autoritete sllovene, në Aeroportin e Lubjanës. Ai e ka quajtur këtë si një veprim fyes për vendin, kombin dhe vlerat e shoqërisë dhe të shtetit tonë në përgjigjthësi.
Delegatet nga degët e Aleancës në mbarë vendin, votuan sot për zgjedhjen e Këshillit Drejtues të AGK-së, ndërkaq, Këshilli i ri Drejtues do ta votojë kryetaren e re të këtij forumi.
Në fjalën e tij përshëndetëse, njëkohësisht, në prononcimin e tij të parë publik dhe zyrtar, pas kthimit nga vizita zyrtare në Gjermani, kryetari i Aleancës, Ramush Haradinaj, ka thënë se një prej përcaktimeve të tij themelore dhe të konceptit dhe vizionit të Aleancës, është fuqizimi i rolit të femrës në shoqërinë kosovare.
“Jo vetëm si grua, por edhe si vajzë, femra e Kosovës duhet dhe do t’i ketë të drejtat e barabarta me mashkullin. Te prindi dhe te bashkëshorti, ajo do të jetë e barabartë. Në bashëkëshortësi gjysmë për gjysmë me burrin, kurse edhe të prindi e njëjtë me të gjithë”, ka thënë kryetari Haradinaj, në adresimin e tij në Kuvendin VII Zgjedhor të AGK-së.
Kryetari Haradinaj ka folur për domosdoshmërinë e fuqizimit e rolit të femrës kosovare në vendmmarrje e politikëbërje dhe ka çmuar rolin e femrës aleanciste në krejt këto 15 vjet.
Ai ka thënë se AGK ka qenë dhe do të mbetet një prej shtyllave më të fuqishme të AAK-së, në të gjith forumet, dhe ka falënderuar të gjitha ato që ishin pjesë e kësaj strukture, që nga fillimi.
Ndërkaq, deputetja dhe kryetarja e Aleancës së Gruas së Kosovës, Donika Kadaj-Bujupi, ka thënë se ndihet krenare me rolin e femrës aleanciste në të gjitha proceset e deritashme, në parti dhe në institucione.
Ajo i ka falënderuar të gjitha femrat e AGK-së që kanë dhënë kontribut deri më sot dhe është shprehur e kënaqur me faktin se në strukturen aktuale, kryetar degësh janë mbi 90 për qind vlera të reja apo vlera dhe potencial shtesë i Aleancës.
Znj. Kadaj-Bujupi ka ritheksuar edhe në këtë ngjarje moton e saj, se një femër e fuqishme, është garant i një familjeje, i një shoqërie dhe i një shteti të fuqishëm.
Sipas saj, femra e fuqishme dhe me rol, po gjen gjithnjë e më shumë vend në Aleancë dhe për këtë Aleanca do të jetë e hapur gjithmonë dhe në në ardhmen./21Media