„Немаше незадоволство. Имаше менаџирање, дебатирање, дијалог за непречено одвивање на процесот“, изјави претседателот на ДУИ, Али Ахмети.
Ова го изјави првиот човек на ДУИ Али Ахмети на самиот почеток од состанокот на Генералниот совет, но од сето она што е видено и слушнато, покажува дека последниот месец, а особено овие два дена, беа со драматични случувања во рамките на Демократската Унија за интеграција.
Синоќа по 6-часовна средба во штабот во Мала Речица, интегративците, поделени во два табора меѓу помладата генерација и таканаречената „огнена група“, конечно излегоа со договор за имињата кои ќе бидат на чело на партијата. Кога се очекуваше претседателот Али Ахмети барем да не ги прифати барањата на незадоволните, оставајќи ги надвор од раководството на партијата, се се смени!
Првичните имиња кои вчера кружеа за лидерските позиции на партијата, од „огнената група“ се чинеше дека само Изет Меџити ќе биде утехата, кој беше предложен за потпретседател на ДУИ. На истиот првичен список, за потпретседател беше предложена и заменичката од Гостивар, Арта Зендели-Биљали, а за организациски секретар Валдет Џафери, две личности за кои меѓу интегративците отворено се знае дека не се дел од блиските луѓе на Невзат Бејта. Потоа, зачудувачки, овие две имиња исчезнуваат од неофицијалната листа, која не беше потврдена од партијата. Од ова може да се наметне дека Невзат Бејта се враќа „во игра“ со отстранување на овие два предлози и вметнувањето на Саранда Имери за секретар за еднакви можности, за која се знае дека е блиска до сопартиецот Бејта од гостиварскиот огранок. Нејзиното име беше потврдено денеска по 4. седница на Генералниот совет на ДУИ, со присуство на сите членови. Од таму информираат дека „Организацискиот совет на ДУИ едногласно ги одобри имињата предложени од претседавачот Али Ахмети за членови на Централното претседателство“.
Така, Фатон Ахмети е избран за генерален секретар, Блерим Буџети, дел од „огнената група“ е избран за организациски секретар. Неговиот сопартиец Изет Меџити, исто така од групата на незадоволните, е избран за потпретседател од огранокот Чаир. Истата функција ќе ја имаат Бајрам Реџепи кој доаѓа од тетовските интегративци, Арбр Адеми од Кумановско-Липковско и Арбана Пашоли од Дебар.
Фатон Ахмети – Генерален секретар
Блерим Беџети – Организациски секретар
Саранда Имери – Секретар за еднакви можности
Изет Меџити – Потпретседател (Чаир)
Бајрам Реџепи – Потпретседател (Тетово)
Арбр Адеми – Потпретседател (Куманово/Липково)
Арбана Пашоли – потпретседател (Дебар)
Во меѓувреме, ова се имињата на членовите на новото претседателство на ДУИ.
Рамиз Мерко
Јетон Шаќири
Фатмир Дехари
Крешник Бектеши
Ардита Дани
Талат Џафери
Невзат Бејта
Валдет Џафери
Билент Салији
Теута Арифи
Џеват Адеми
Реси Абдурахмани
Артан Груби
Бујар Османи
Висар Ганиу
Назим Буши
Ејуп Алими
Аријан Даци
Еркан Арифи
Мирсад Ибрахими
Шабан Мехмети
Џемил Ќамили
Емир Сулејмани
Артин Спахиу
На денешната седница на Генералниот совет, членот на ДУИ, Талат Џафери, демонстративно ја напушти салата! Ова се случи откако побара да биде подобро застапен огранокот на Гостивар, а Муса Џафери му порача дека „Гостивар го има претседателот на Собранието“, алудирајќи на функцијата што ја извршува самиот Талат Џафери.
„На списокот треба да се додаде потпретседател, со конкретен предлог, првиот човек на гостиварскиот огранок Валдет Џафери, а во име на огранокот како член на Претседателството како заменик морам да објавам дека гостиварскиот огранок не се согласува со составот на членовите на претседателството на партијата што е предложено“, рече Талат Џафери.
„Традиционално неколку циклуси ДУИ има 4 потпретседатели, 2 секретари, со новиот статут има 1 секретар за родова еднаквост и мислам дека со сета почит кон господинот Талат, го почитувавме Гостивар, тој има 2 мандати како претседател на парламентот и ми се чини дека не е колегијален овде во Генералниот совет, кога ги направивме сите консултации внатре во партијата, го започнувам циклусот дека ќе направиме 5 потпретседатели, некој ќе рече шест.. Кога ќе го направам тоа, ќе зборуваш…“, рече Муса Џафери.
„Јас сум претседател на целиот овој совет овде и во крајна линија на сите Албанци во Македонија, не само на Гостивар и моето Форина..“, додаде Талат Џафери.
„Ова е меѓу Џаферови, не се нервирајте, затоа што сега се тука имаме тројца Џафери“, рече претседателот на ДУИ, Али Ахмети.
На прашањето дали има проблем во Гостивар, портпаролот Бујар Османи одговори:
„Мислам дека немаме проблем. Се сеќавам дека, како што беше речено, тоа е сеопфатно претседателство или во однос на регионални, генерациски или родови аспекти, иако не би сакал ова повеќе да биде прашање, но се сеќавам дека балансот на кој, вие ќе видите сами каква енергија ќе и даде на ДУИ во наредниот период“, изјави портпаролот на ДУИ, Бујар Османи.
Од друга страна, таканаречената „огнена група“ сега очигледно е помирна, барем според расположението на Изет Меџити.
„Дебатата се одржа, органите беа формирани и ние ќе ја продолжиме расправата во партиските органи“, рече заменик-претседателот на ДУИ, Изет Меџити.
-Дали ќе останете „Онгена група“ или не?
(И. Меџити се смее)
Генералниот совет на ДУИ ја одобри и одлуката за распишување избори и ја овласти партиската изборна комисија да организира избори во Младинскиот форум како и во сите локални Совети и ограноци на ДУИ во 2023 година, што ќе биде изборна година за интегративците во сите месните Совети и во ограноците, покрај оние што се одржаа годинава. Есента 2023 година се очекува да се организира и 5. изборен конгрес на ДУИ.