Алкалоид – нов клуб на македонската ракометна сцена

ПОСЛЕДНИ ВЕСТИ

Ракометната сцена на Македонија од денес е побогата за уште еден клуб. Нов член на Првата лига е РК Алкалоид. Главен спонзор на клубот ќе биде фармацевтската компанија Алкалоид. Целта е произведување на млади играчи, со кои македонскиот ракомет ќе се потпира.

– Наша цел е настап во Првата лига каде се кали челикот кога се работи за млади ракометари. Сакаме овие играчи да ги насочиме на вистински пат преку правилна работа со нив и соодветни услови. Тоа е и нашата цел како компанија, чии основни начела за професионален пристап во операциите, што ќе се пренесе и во овој клуб – изјави првиот човек на компанијата Алкалоид и на Ракометната федерација на Македонија, Живко Мукаетов.

Раководството на РК Алкалоид договори соработката со КЛ7, брендот на најдобриот македонски ракометар Кирил Лазаров.

– Чест ми е што сум дел од овој проект кој е за доброто на македонскиот ракомет. Ќе се трудиме да изградиме македонски ракометари кои во иднина ќе бидат дел од репрезентацијата. Целта е на младите играчи да имаат квалитетен тренинг и квалитетна тренерска работа – истакна Лазаров.

За претседател на РК Алкалоид е назначен Горан Минов, поранешен ракометар.

ФОТО: Спортмедиа