Азир Алиу од АА, во „Click Plus“ изјави дека по 9 мај ќе има потреси во ДУИ, образложувајќи дека обединувањето на ВЛЕН и внатрешната демократија ќе бидат позитивен пример за граѓаните.
Азир Алиу: Јас очекувам дека по 9 мај ќе има потреси на другата страна, затоа што граѓаните ќе видат дека може и поинаку, дека обединувањето создава сила, дека внатрешната демократија е позитивна за граѓаните – да не се „краде“ политичката партија, да не се создава систем од еден начин на размислување и да не се одзема политичката моќ од секој граѓанин, туку напротив – таа да им се дава, а нивната моќ да биде во ограноците и подограноците, а не во една мала канцеларија наречена претседател на партија.
ТВ21: Зошто мислите дека ќе има промени на другата страна, мислите на ДУИ?
Азир Алиу: Поради пристапот – кога ќе се создаде систем во кој секој граѓанин ќе биде прашан и ќе му се даде простор неговите идеи и пристапот кон политиката да бидат реални, ќе се види како тоа позитивно ќе влијае врз државата, но негативно врз опозицијата.
Алиу додаде дека по 9 мај ВЛЕН ќе се обедини во една политичка партија и АА ќе биде претставена со потпретседател, а таа позиција ќе ѝ припадне на пратеничката Мимоза Муса.
Ние ќе бидеме претставени во новата партија со потпретседател, тоа ќе биде Мимоза Муса, нашата пратеничка – личност која и во политички и во човечки аспект, како и со интелектуалните капацитети … јас сум убеден дека ќе нè претставува достоинствено. Но, не заборавајте дека по 9 мај ВЛЕН е една политичка партија, изјави Азир Алиу од АА/ВЛЕН.
Во „Click Plus“ Алиу зборуваше и за Агенцијата за електронски комуникации, каде сè уште не е избран нов директор. Тој рече дека директорот треба да биде Албанец, но се бара аполитичен експерт. Според него, ситуацијата е иста и во Агенцијата за аудио и аудиовизуелни медиумски услуги, каде сè уште не е избран заменик-директор – позиција која му припаѓа на ВЛЕН.