Бојкотот на трговските синџири за храна ќе продолжи. Денес, организаторите на протестот против странските хипермаркети повикаа синџирите да се бојкотираат секој четврток сè додека цените на основните прехранбени производи во Бугарија не се изедначат со тие во Австрија и Унгарија, каде што животниот стандард е повисок, а цените пониски.
„Ако Бугарите во четврток не го следат примерот на Французите, Хрватите и Грците, кои се борат против шпекулациите со масовен отпор, нашиот глас ќе замолкне“, изјави Велизар Енчев, кој е дел од иницијативниот комитет за бојкот на синџирите, пишува БГНЕС.
Комисијата за заштита на конкуренцијата (КЗК) не реагира, објавија организаторите на бојкотот. Тие испратиле писмо со барање за разговор на оваа тема со премиерот Росен Желјазков и го чекаат неговиот одговор.
Досега, трговските синџири пријавиле загуба од речиси 9 милиони лева, соопштија организаторите на бојкотот.
Сепак, податоците на Управата за јавни приходи (НАП) за третиот ден од бојкотот покажуваат дека, наместо намалување, супермаркетите забележале зголемување на прометот. Синџирите го зголемиле прометот за 8,3% во споредба со средата – денот пред почетокот на бојкотот.
Клиентите, пак, потрошиле над 2 милиони лева повеќе.