Минхенската полиција соопшти дека бројот на повредени во денешниот напад во главниот град на Баварија се зголемил на 30 лица, јавува ДПА.
Инцидентот се случил утрово кога маж удрил во група луѓе на плоштадот Штигелмаер во Минхен. Според првичните информации, осомничениот е 24-годишен маж од Авганистан.
Баварскиот министер за внатрешни работи, Јоаким Херман, изјави дека авганистанскиот возач, кој удрил со својот автомобил во луѓето, има валидна дозвола за престој и работна дозвола.
„Информациите што ги имаме во овој момент укажуваат на тоа дека живеалиштето на сторителот било апсолутно легално“, рече Херман.
Тој, исто така, демантираше информации кои се појавија веднаш по нападот дека осомничениот бил прогласен виновен за кражба во продавница.
Според достапните податоци, мажот пристигнал во Германија на крајот од 2016 година како малолетник бегалец без придружба. Неговата процедура за азил била завршена во 2020 година со одбивање и наредба за напуштање на земјата.
Во април 2021 година, властите во Минхен му издале известување за толеранција.