Бучковски договорил: Бугарската национална телевизија од 1-ви март ќе се емитува и во Македонија

ПОСЛЕДНИ ВЕСТИ

На состанок кој го одржал Бучковски заедно со амбасадорот на Бугарија во Македонија, директорите на АВМУ и Телеком било договорено од 1-ви март да започне реемитување на бугарската национална телевизија во Макеоднија на операторот Телеком.

Средбата се одржала денеска, а тоа го соопшти Костадин Филипов на социјалната мрежа Фејсбук.

Претходно на дел од операторите веќе се реемитуваше програмата на БНТ на територија на РСМ.

Договорено е и МРТ да се реемитува на територија на Бугарија, како и државните агенции да имаат свои дописници.

Во 2014 година во Охрид беше потпишан исто договор за реемитување на МРТ и БНТ на територии на Македонија и Бугарија, но зошто тој не се почитувал останува нејасно.

Инаку Владата го назначи Бучковски за специјален претставник на земјава за решавање на спорот со Бугарија по даденото вето за почеток на пристапните преговори на РСМ со ЕУ.