Американскиот претседател Доналд Трамп вели дека бројката на најмногу потврдени случаи на коронавирус во Светот која ја имаат САД, е чест, и на тоа гледа со респект.
„Гледам на тоа со одреден респект, како нешто добро. Тоа е потврда дека ние имаме подобри тестирања од останатите“, рече Трамп.
САД досега има 1,5 милиони случаи на Ковид-19, а починати се 92.000 лица. На второто место по заразени е Русија со 300.000 случаи.
„Имаме најмногу случаи затоа што правиме најмногу тестови. Тоа е добра работа, и кажува дека нашите тестирања се подобри. Тоа е еден вид чест“, рече Трамп.