Судијката Даниела Димовска е избрана за претседател на Основниот кривичен суд во Скопје на денешната седница на Судскиот совет.
Одлуката е донесена по постапка спроведена преку јавен оглас, на која пријави поднесоа двајца кандидати – Даниела Димовска, судија и в.д. претседател на Основниот кривичен суд во Скопје, и Ивица Стефановски, судија во истиот суд.
Претседателот на Комисијата за селекција, Ивица Николовски, информираше дека обете апликации биле регуларни и дека кандидатите ги положиле потребните тестови и интервјуа. По одобрувањето на извештајот и гласањето, Димовска е избрана за претседател на судот.
Димовска беше избрана за вршител на должноста претседател на Основниот кривичен суд во Скопјe пред една година. Претходно, таа беше судија во Одделот за организиран криминал и корупција при истиот суд.