-За вода е суша, кај водата е суша, вели жител.
Дел од Арачиново без вода. Жител за ТВ21 вели дека претпријатието им праќа сметки а се снабдуваат од бунари.
-Проблем со водата имаме 2 години, вода нема, праќаат сметки за плаќање, општината ја има оваа обврска, повеќето жители од Арачиново се без вода, без канализација, има многу проблеми, вели жител.
Еден друг жител ни рече дека неколку куќи се без вода бидејќи и во бунарите немаат доволно вода.
Жител: И селото како село има проблем со водоснабдување, цело село нема водовод.
Новинар: Во оваа населба имате ли водовод?
Жител: Не, повеќето се со бунари. Водовод има но во моментов нема вода.
Директорот на Општинското претпријатие „Амбиент“, Арсим Бајрами, вели дека нема вода бидејќи нема струја. Струја нема бидејќи општината нема пари да ѝ плати на ЕВН.
-Од вкупно 1.656 домови поврзани со водоводниот систем, само 267 од нив вршат редовни плаќања. Ова значи дека над 1.389 домови имаат корист од услугите, од неизвршена услуга без никакво плаќање. Она што резултираше со неплаќање на обврските кон снабдувачот со електрична енергија, а тоа е ЕВН, е тоа што поради оваа ситуација, ЕВН го прекина снабдувањето со енергија на пумпите за водоснабдување, со што системот не можеше да функционира, изјави Арсим Бајрами, директор на Комуналното Јавно претпријатие „Амбиент“.
Бајрами додава дека се во постојана комуникација со ЕВН со цел да се постигне договор за плаќање на долгот на рати, додека апелираше и до жителите да придонесат кон своите обврски кон водоводното претпријатие за да може проблемот да се реши што е можно поскоро.