Министерот за здравство, Венко Филипче, објави дека утрово од страна на учениците во ОУ „Кузман Јосифовски – Питу“, добил нивни уметнички дела, како порака за поддршка на здравствените работници во текот на пандемијата, а со желба од сепрември да се вратат во училишните клупи.
„Прекрасно изненадување имав утрово! 
Деца од ОУ „Кузман Јосифовски – Питу“ ми донесоа нивни уметнички дела како благодарност за битката која здравствените работници ја водат со пандемијата. Тие сакаат да знаат дали од септември ќе се вратат во училишните клупи и моја најголема желба е тоа да се случи. Им ветив дека ќе работиме напорно за да ја надминеме пандемијата и да им ја оствариме желбата, но и дека наша должност е да се грижиме за нивното здравје. Им посакувам убав и безгрижен распуст!“, напиша Филипче.