Околу 60 лица беа уапсени, а тројца полицајци беа повредени за време на немирите во Сан Франциско во неделата, соопшти полицијата.
Судири меѓу полицијата и демонстрантите поради апсењето и депортацијата на мигранти избувнаа на улиците на Лос Анџелес и други градови во Калифорнија во изминатите два дена.
Според Полициската управа на Сан Франциско, поединци станале „насилни и вклучени во кривични дела, почнувајќи од физички напади до сериозен вандализам и уништување на имот“ синоќа, што доведе до прогласување на незаконско собирање во еден дел од градот.
Полицијата додаде дека многумина од толпата ја напуштиле областа, но „неколку лица останале и продолжиле со своето незаконско однесување“, вклучително и уништување згради и полициско возило. Двајца полицајци се здобиле со повреди кои не се опасни по живот, додека еден е префрлен во локална болница.
Seen just now in Downtown San Francisco: A vandalized Waymo sits stalled on Pine St in the aftermath of today's protest against ICE.
— The San Francisco Standard (@sfstandard) June 9, 2025
Read more: https://t.co/2O5eqXoJth
🎥: @ggreschler pic.twitter.com/Ujr4ayCZg8