Во гаснењето на пожарот над селото Копаница, во Општина Сарај, покрај екипите на скопската Бригада за противпожарна заштита, активно се вклучи и Дирекцијата за заштита и спасување (ДЗС).
Од ДЗС информираат дека на терен се ангажирани два авиони „ер трактор“ и две теренски возила „пинцгауер“, кои обезбедуваат воздушна и копнена поддршка во справувањето со огнената стихија.
Екипите продолжуваат со интензивни активности за локализирање и ставање под контрола на пожарот, со цел да се спречи неговото понатамошно ширење.