Божиќните светла изгледаат прекрасно, сјајно и навистина можат да не израдуваат и да нè стават во божиќно расположение, но експерт предупредува дека тие би можеле да ни го попречат правилниот сон.
Како што пристигна најубавото време од годината, домовите се многу украсени со светилки, новогодишни елки и разни други украси.
Психологот Кетрин Хол изјави за The Mirror дека љубителите на празничните украси можеби се разочарани бидејќи можеби ќе треба да ги исклучат светлата порано за да одржат здрав сон.
„Да се биде изложен на интензивна, силна светлина пред спиење не е добро за хигиената на спиењето“, објасни таа.
Таа додаде дека светлата кои ги знаеме и сакаме за време на празничната сезона испраќаат погрешен сигнал до мозокот, го нарушуваат производството на мелатонин и го нарушуваат циклусот на спиење, што не е идеално ако сакате да имате здрав сон, пренесува N1 Загреб.
Д-р Хол препорачува да се избегнува сина светлина бидејќи го потиснува мелатонин и го нарушува деноноќниот ритам.
„Сината светлина често се наоѓа во телефоните и ЛЕД светилките, а поради нејзиното стимулирачко дејство што предизвикува будност, негативно влијае на циклусот на спиење“, рече таа.
Разнобојните светла исто така ја нарушуваат регулацијата на мелатонин и не се погодни за мирен сон. Слично на тоа, тие создаваат зголемена визуелна стимулација, попречувајќи ја можноста за исклучување ноќе.
Психологот советува дека најдобро би било да изберете светла со потопли бои, бидејќи тие даваат понежен и смирувачки сјај, промовираат релаксација и обезбедуваат подобар квалитет на сон“.