Турскиот претседател Реџеп Тајип Ердоган, денеска најави дека ќе побара одговорност од виновниците за повеќе од 40.000 загинати во земјотресите во јужниот дел на Турција.
„Нашата должност е да ги изнесеме виновниците пред законот“, изјави Ердоган.
Во катастрофалниот земјотрес кој се случи на 6. февруари, бројката на жртви во Турција надмина 40.000 лица, а вклучувајќи ги и оние во Сирија, вкупно има над 47.000 загинати лица.
Вчера два нови земјотреси се случија во истиот дел на Турција, при што загинати се најмалку 11 лица.