Министерот за здравство Венко Филипче на својот Фејсбук профил изрази благодарност до пратениците за поддршката и искажаната грижа за колективното здравје.
„Денеска, во Собранието беа изгласани измените и дополнувањата на Законот за лекови и медицински средства кои се однесуваат на регистрација на вакцините против Ковид-19 во земјата. Изразувам благодарност до пратениците за поддршката и искажаната грижа за колективното здравје. Имунизацијата е единствениот начин да ставиме крај на пандемијата“.