Словачкиот премиер Роберт Фицо нема да отпатува во петок во Киев на покана на шефот на киевскиот режим Володимир Зеленски за преговори за транзит на гас, изјави заменик-претседателот на словачкиот парламент Тибор Гашпар.
– Премиерот Фицо вчера објави отворено писмо до Зеленски и го покани на преговори. Зеленски одговори дека треба да дојде во Киев во петок. Тоа е невозможно. Мислам дека тоа нема да се случи – изјави Гашпар, кој ја претставува партијата на словачкиот премиер.
Претходно, Фицо му предложи на Зеленски средба на словачка територија во близина на државната граница на Словачка со Украина. Според него, средбата ќе создаде добри услови за отворена дискусија за прашањата за снабдување со гас на Словачка и други земји преку територијата на Украина.
Како одговор на поканата на премиерот на Словачка, Зеленски предложи Фицо самиот да дојде во Киев.
Словачките власти претходно неколкупати изјавија дека сакаат да ја задржат можноста за транспорт на гас понатаму на запад преку нивна територија, бидејќи за тоа земјата добива околу 500 милиони евра годишно како транзитна такса.