Наглите промени на времето во Грција, ги натераа властите да издадат предупредувања за туристите на неколку места. Регионот Тесалија беше погоден од дожд, град и силен ветер синоќа.
Гром предизвика пожар во близина на Александрополис, каде гори во близина на населено место. Пожарникарите велат дека успеале да го сменат правецот на пожарот, и нема опасност за населението.
Бранот временски промени продолжува и во следните денови. Ќе бидат погодени делови од Халкидики. На места врне дожд, а се очекува и силен град. Екстремно невреме се очекува и на Пелопонез.