Одгледувачите на портокали во Сицилија, Италија ги повикаа регионалните и централните власти да помогнат во зачувувањето на производството по појавата на екстремно високите температури и сушата.
Две здруженија на сицилијански одгледувачи на портокал во заедничко соопштение рекоа дека ова лето сериозно го загрози нивното производство од климатски аспект и повикаа на итна акција за ублажување на влијанието на сушата, како што е надградба на брани и акумулации во Сицилија, објави Ројтерс.
Останатите барања на одгледувачите на портокали вклучуваат враќање на одредени локални даноци платени минатата година, попусти на сметките за струја и гориво.
Во Италија минатата година жетвата на овошје и маслинки беше намалена поради сушата, а годинава по неколкумесечни потпросечни врнежи, на Сицилија имаше недостиг на вода, поради што жетвата на портокали, кои сочинуваат 65 проценти од производството на овошје во Италија, е загрозено.