Еден килограм јагоди чини 200 денари, исто толку се и црешите, а најквалитетните достигнуваат и до 300 денари. Лубеницата е 50 денари по килограм.
Повеќето граѓани што ги прашавме велат дека овие цени се превисоки за стандардот во земјава.
Граѓанин: Не скапо – туку прескапо. Народот се мачи за леб, а не за други работи. Јагодите 200 денари, црешите 300 денари – премногу скапо.
ТВ21: Што купувате најмногу?
Граѓанин: Ништо, што да купиме. Сѐ влијае – џебот е празен, имам само ситни пари, немам поголеми банкноти.
Граѓанин: Многу скапо, за мене скапо.
ТВ21: Купувате ли како порано?
Граѓанин: Купуваме по малку.
Некои граѓани додадоа дека цените се високи и затоа што веќе никој не се занимава со земјоделство.
-Цените, како што гледате сами – скапи се. нивите веќе не се обработуваат, сите ги оставија, младите веќе не работат на нива! – вели граѓанин.
Од друга страна, и продавачите се жалат дека нема промет.
Граѓаните велат дека купуваат само основни производи, а за овошје – ќе почекаат да се намалат цените.