Капитенот на турската ракометна репрезентација и неговиот син пронајдени починати под урнатините

ПОСЛЕДНИ ВЕСТИ

Капитенот на турската ракометна репрезентација Џемал Кутахја (32) и неговиот син Чинар (6) загинаа како последица на разорните земјотреси што минатата недела ги погодија јужните делови на Турција, потврди Турската ракометна федерација (ТХФ).

„Со длабока тага дојде веста за смртта на нашиот драг Џемал Кутахи, капитенот на машката ракометна репрезентација и неговиот син Цинар, кои беа затрупани под урнатините на куќата во која живееја во Антакија“, велат од таму.

Сопругата и свекрвата се уште не се пронајдени

Се огласи и Угур Килиќ, претседател на турскиот ракометен сојуз: „Џемал Кутахја беше човек и спортист со големо срце и капитен во вистинска смисла на зборот. Го прегрна својот син, отиде во рајот. Јас сум многу потресен. Сè уште не ги најдовме сопругата и свекрвата на Џемал. Работиме на тоа“.

Два разорни земјотреси од 7,7 и 7,6 степени според Рихтеровата скала ги погодија Турција и Сирија минатата недела.