Ќе се прави контрола на сите издадени лиценци!

Вицепремиерот и министер за транспорт Александар Николоски утрово на прес конференција порача дека ќе се прави контрола на сите издадени лиценци без разлика на што се однесуваат.

„Донесовме одлука да се направи контрола на сите издадени лиценци од страна на Минстерствата во рамки на Владата без разлика на што се однесуваат. Оваа одлука се однесува на сите министерства и на сите Институции кои што издаваат лиценци од било кој тип“, вели Николоски.

Како што вели, од Министерството со кое раководи во тек е контрола на сите издадени лиценци согласно законот за градење и законот за урбанистичко планирање.

„По завршувањето на овие постапки, ќе следат и јасни законски измени со која што ќе биде законска обврска на секој 6 месеци да се врши ваква контрола на се што е издадено од страна на институциите“, додаде Николоски.