Во старскиот дом „Сју Рајдер“ во Битола, бројот на заразени со коронавирус се искачи на 12.
Викендов од овој објект беа дијагностицирани 10 заразени, откако претходно во петокот имало 2 случаи на коронавирус.
Епидемиолозите се на терен, и веќе земаат брисеци за вработените, и останатите пациенти.
Неколку од вработените кои имаат симптоми се веќе дома во самоизолација, но и ти ќе се тестираат, со што бројката може да се зголеми.
Веќе е забранет влезот за невработени лица, како и за семејствата на пациентите. Во меѓувреме на инфективното одделение во Битола, почина 78-годишно лице како компликации од коронавирус.
Во хосписот по појавата на пандемијата на коронавирус забранет е влезот за невработени лица, како и за членови на семејствата на згрижените пациенти.
Овој хоспис е испостава на ЈЗУ Геронтолошкиот завод од Скопје. Има капацитет од 70 легла, а дел од згрижените лица се неподвижни.