Në Librarinë e Çarshisë në Shkup supozohet se mbrëmë ka ndodhur incident. Sipas portalit “Libertas” , i cili thirret në dëshmitarë të rastit, Bilgin Hajredini ka sulmuar drejtorin e shkollës së mesme “Cvetan Dimov” Shaip Zeneli, kurse shkas i zënkës ka qenë bojkotimi i nxënësve të shkollës së mesme të kimisë “Marija Kiri Sllovodovska”, në të cilën vetëm para disa muajve Hajredini ka qenë zëvendës – drejtor. Pas zënkës, thuhet se janë dëgjuar edhe të shtëna me armë zjarri.
Të kontaktuar nga TV21, Hajredini dhe Zeneli thonë se këto shkrime nuk janë të vërteta. Kurse drejtori i shkollës Zendeli tha se është më mirë që ne të merremi me problemet në arsim, se sa me shkrime të pavërteta.
“Po të kishte ndodhur a do ishim bashkë ne sot? Portalet e përhapen, ja filloi me “Libertasin” pastaj edhe portalet tjera. Nuk e di kush e ka bërë, qysh e ka bërë. D.m.th u qoftë për nder. Bilginin e kam pasur nxënës, tash jemi kolegë, kemi bashkëpunim, edhe sot jemi takuar për të biseduar për bashkëpunimet e mëtutjeshme . S’ka lidhje “, deklaroi për TV 21 Shaip Zeneli
TV 21 pyeti z. Zeneli se si është e mundur që lajmi u shpërnda aq shpejtë. Sipas tij, kjo është pasojë e situatës në vend. “Situata është e tillë, koha është e tillë, mezi pritet, këta portalet janë … A mbajnë përgjegjësi para dikujt?”, pyet Zeneli. Ai nuk prapëseprapë theksoi se nuk planifikon të padisë portalet për spekulimet.
Edhe nga Ministria e Punëve të Brendshme thonë se nuk është paraqitur asnjë rast që ka ndodhur në Çarshinë të Shkupit.
Kishte apo jo të shtëna mbrëmë në Çarshi ?! Të apostrofuarit mohojnë incidentin
НАЈНОВИ ВЕСТИ
