Партијата на косовскиот премиер Албин Курти, Самоопределување, не успеа да ја достигне очекуваната апсолутна мнозинска поддршка на парламентарните избори, според првичните проценки и досега преброените гласови. И покрај тоа што останува најсилна партија, ќе биде потребно да формира коалиција со партнер.
По затворањето на гласачките места, одредени медиуми објавија проценки според кои партијата на Курти би освоилa 38,2% од гласовите. Опозициската Демократска партија на Косово би добила 22,4%, додека Демократската лига 20,1%. Според прогнозите на некои други медиуми, Самоопределување би имала 42,3%, Демократската партија 21,3%, а Демократската лига 20%. Пребројувањето на гласовите сè уште не е завршено.
Албин Курти, пак, се прогласи за победник и изјави: „Победивме и ќе ја формираме следната влада“ пред своите приврзаници во Приштина, кратко после полноќ.
Во претходниот парламент, партијата на Курти, заедно со пратениците од етничките малцинства, имаше стабилно мнозинство. 49-годишниот лидер вети обемни реформи во судството и администрацијата кога ја презеде функцијата, но не успеа да ги оствари во целост. Ако сака да продолжи да владее, веројатно ќе биде потребно да ги здружи силите со ПДК или ЛДК. Теоретски, можен е и владина коалиција дури и без учество на партијата на Курти.