Украинскиот претседател Володимир Зеленски изјави дека најавата на американскиот претседател Доналд Трамп за прекин на огнот ги изненадила сите, бидејќи во исто време руски беспилотни летала со млазни мотори летале над украинскиот воздушен простор, додека големи делови од Киев останале без вода и електрична енергија, објави Би-Би-Си.
Тој додаде дека веднаш по објавата на Трамп на неговата социјална мрежа Truth Social, Русија намерно нападнала термоцентрала во Харков, предизвикувајќи дополнителна штета на украинскиот енергетски систем.
„Стана јасно дека Путин не чита што пишува на Truth Social“, рече Зеленски, осврнувајќи се на изјавата на американскиот претседател.
Украинскиот претседател ги даде овие изјави преку видеоврска на Форумот за безбедност во Варшава, на кој учествуваат и други високи функционери, меѓу кои и полскиот премиер Доналд Туск и норвешкиот премиер Јонас Гар Стере.