Директорот на МЕПСО, Бурим Љатифи, оценува дека Македонскиот енергетски форум во Скопје придонесува за позиционирање на државата како регионален центар за дијалог и енергетска соработка во Западен Балкан.
Во изјава за ТВ21, тој истакна дека Северна Македонија треба да ја искористи својата стратешка положба преку инвестиции во нови и постоечки енергетски врски со соседните земји.
„Веќе започна изградбата на интерконекцијата Северна Македонија – Албанија, а заедно со Косово аплициравме за статус на проект од заеднички интерес за новата интерконекција Тетово – Призрен. Интензивно работиме и со Грција за зајакнување на постоечката врска Битола – Мелити“, рече Љатифи.
Според него, овие проекти ќе придонесат за поголема енергетска стабилност и подобра регионална поврзаност.