Иако поминаа повеќе од 24 часа, полицијата нема нови детали за вооружениот напад во Арачиново. Лицето кое пукаше со калашников кон градоначалникот на општината, Ридван Ибрахими и повреди две лица, се уште не е фатено.
-СВР Скопје презема мерки за расчистување на случајот. По расветлување на случајот ќе ја информираме јавноста за тоа-велат од МВР.
Од торакалната клиника информираат дека состојбата на 21-годишниот А.А. е стабилна и се опоравува. Во добра состојба е и Е.С. 39 кој лежи во Градската болница се очекува за неколку дена да биде отпуштен на домашно лекување.
Но, како што информира ТВ21, ова не е прв напад врз Ибрахими. Пред една година пријави за закани кои ги добивал од поранешниот градоначалник на Арачиново, Брахим Ајвази. Проблемот бил поради имотно-правни прашања, но за вчерашниот напад се уште не се знае дали е од истата причина.
Прашавме како гледа на оваа ситуација првиот човек на ДУИ Али Ахмети, од кого Ајвази пред една година побара помош за решавање на спорот со Ибрахими.
-Мислам дека претходно беше разговарано за да се надминат разликите меѓу г. Ајвази и градоначалникот на општината, го направивме невозможното, но се што направивме не успеа-вели Ахмети.
Од Основното јавно обвинителство велат дека по спроведената истрага на местото на настанот, издадена е наредба за вештачење на трагите и преземање на снимки од безбедносните камери.
Лицето кое пукаше се уште е на слобода, двајцата ранети во Арачиново се во стабилна состојба
ПОСЛЕДНИ ВЕСТИ
