Невкусниот хумор на министерот за внатрешни работи, Оливер Спасовски, предизвика различни толкувања во јавноста по изјавата дека неговиот заменик Назим Буши не може да зборува бидејќи е казнет поради неносење маска. За да разјасни дека немал никаква лоша намера, Спасовски стапил во контакт со првиот вицепремиер Артан Груби.
Груби: Познавајќи го неговиот хумор, кој нема посебна смисла…
ТВ21: Немојте да ми кажете дека ова е хумор, ве молам…
Груби: Да, не беше многу посебен… Беше разјаснето уште тој ден во телефонски разговори со сите нас, бидејќи ова прашање крена доста голема врева…
ТВ21: Од кого?
Груби: Од мене, поради известувањата…
ТВ21: Значи не бевте задоволни?
Груби: Апсолутно не…
И министерот Спасовски, синоќа во емисија разјасни дека немал лоша намера и дека медиумите му дале сосема поинаков правец на настанот.
Случајно или не, не помина ниту еден ден од овој настан, а Спасовски и Буши заедно во кабинетот на првиот вицепремиер, Артан Груби. Официјално беше објавено дека разговарале за распределба на административците вработени во рамките на програмата К5, но меѓу другото се пишуваше и дека министерот и заменик-министерот „изразиле подготвеност за соработка и заеднички успех“, што се чини дека е изговор за настанот од претходниот ден.