Македонскиот каратист Марко Џорлев од Штип стана светски шампион, освојувајќи златен медал на Светското карате првенство за кадети, јуниори и У-21, кое се одржува во Бјелско Бјала, Полска.
Џорлев, кој настапува за македонската репрезентација, во финалната борба го совлада Унгарецот Адам Ваги со резултат 4:1 и се искачи на светскиот врв.
Неговите тренери Сашко и Жарко Арсовски од Карате клубот „Штип“ го прославија историскиот успех со порака дека Македонија и Штип имаат светски шампион.