Мал авион на пат за Данска се урна на Алпите во југоисточна Швајцарија и изгоре, при што загинаа три лица за кои се верува дека се наоѓале во него, соопшти полицијата, пренесува АП.
Авионот Екстра ЕА-400 полетал од аеродромот Самедан во Швјацарија вчера во 17:30 часот, стои во соопштението на полицијата од кантонот Граубинден. Авионот пристигна од Данска на 13 марти и се враќаше во Роскилде, во близина на Копенхаген.
Авионот се урнал веднаш по полетувањето. Тие додаваат дека жртвите уште не се идентификувани. Нема информации за причината за несреќата.