Најмалку две лица загинаа кога утрово во Романија се урна мал авион, а според првичните информации, тој се урнал во двор на позната фабрика во Арад.
Засега нема информации за тоа кои се жртвите.
Несреќата се случила во утринските часови, а на местото на настанот се наоѓаат бројни спасувачки екипи.
Според извештаите, авионот се урнал во двор во сопственост на компанијата „Астра Вагоан“.
На местото на настанот се наоѓаат две противпожарни возила, неколку амбулантни возила и полиција.
Во овој момент, не е познато колку луѓе имало во авионот, ниту дали жртвите биле патници или вработени во компанијата.
Ова е втора авионска несреќа во Романија во последните месеци. Кон крајот на јули, помал авион се урна во делтата на Дунав, при што загинаа пилотите Михаило Појога и неговиот колега Кристи Иванов.