Најмалку две лица загинаа кога едрилицата на мексиканската морнарица „Куаутемок“ се удри во Бруклинскиот мост, соопшти градоначалникот на Њујорк, Ерик Адамс.
Адамс рече дека на бродот во времето на несреќата имало 277 лица, а 19 биле повредени. Од нив, двајца остануваат во „критична состојба“, а двајца „за жал починаа од повредите“, напиша Адамс на X.
Морнарицата соопшти дека бројот на повредени лица е 22, од кои 19 се на лекување во болница, се наведува во нивната објава на X, пренесена од германската агенција.
Видео што кружи на социјалните мрежи ги прикажува високите јарболи на едриличарот Куаутемок како се заглавуваат на мостот додека бродот минува под познатата структура.
🇺🇸🇲🇽 | ÚLTIMA HORA — Suben a 35 los heridos, 16 de ellos graves, tras el choque del buque Cuauhtémoc de la Armada mexicana contra el puente de Brooklyn. pic.twitter.com/tVnVWoijxq
— UHN Plus (@UHN_Plus) May 18, 2025
Делови од јарболот паднаа на палубата. Според властите, повредите се случиле бидејќи некои членови на екипажот биле на јарболите во моментот на ударот. Бројни поморски кадети облечени во бели униформи можеа да се видат како стојат на палубата.
На бродот имало повеќе од 200 луѓе, а тој пристигнал во Њујорк како дел од пријателска посета. Локалните медиуми објавија дека бродот наводно останал без струја пред судирот.
На прес-конференцијата предводена од градоначалникот на Њујорк, Ерик Адамс, властите објавија дека никој не завршил во водата. Градоначалникот додаде дека Бруклинскиот мост не претрпел поголеми штети.
Американската крајбрежна стража соопшти дека бродот ги изгубил врвовите на два јарбола, но дека сите членови на екипажот се пронајдени. Повредените биле пренесени во болница.
Earlier tonight, the Mexican Navy tall ship Cuauhtémoc lost power and crashed into the Brooklyn Bridge.
— Mayor Eric Adams (@NYCMayor) May 18, 2025
At this time, of the 277 on board, 19 sustained injuries, 2 of which remain in critical condition, and 2 more have sadly passed away from their injuries. pic.twitter.com/mlaCX0X8Mh
Мексиканската морнарица потврди дека бродот е оштетен и дека инцидентот се истражува.
Шефот на оперативното одделение на полицијата во Њујорк изјави дека верува оти судирот со еден од столбовите е предизвикан од „механички проблеми“ и прекин на електричната енергија.
Мексиканската морнарица соопшти дека 22 лица се повредени, од кои тројца потешко, додека градоначалникот на Њујорк изјави дека четири лица се тешко повредени.
Луѓето што го набљудувале движењето на бродот избегале од работ на брегот кога јарболите удриле во мостот.
Според мексиканската морнарица, бродот е долг 90,5 метри и широк 12 метри. Првпат пловел во 1982 година.
Плови секоја година на крајот од часовите во поморското училиште како последен дел од обуката на кадетите.
Оваа година, бродот исплови од мексиканското пристаниште Акапулко на 6 април со 277 лица на него, објави морнарицата. Крајната дестинација требаше да биде Исланд.