Претседателот на ВМРО-ДПМНЕ не попушта и настојува дека граѓаните кои повеќе од една година живеат вон државата треба само да се евидентираат, односно да не влезат во вкупната бројка на резидентното население.
Според Мицкоски албанските партии со пописот поттикнуваат национализам само за лична придобивка.
Директорот на Државен завод за статистика, Апостол Симовски, вели дека законот е јасен и дека терминот „се евидентира“ кој се користи за дијаспората е политички прашање кое го покренуваат политичките партии.
Членот 6 од Законот за пописот е прецизен, каде пишува дека во пребројувањето ќе бидат опфатени:
-Лица – државјани на Република Северна Македонија кои имаат живеалиште или престојувалиште во Република Северна Македонија, без оглед на тоа дали во моментот на Пописот се наоѓаат во Република Северна Македонија или во странство.