„Не сакам да бидам профитер“ – Тинејџер направил страница за корона и одбил 8 милиони долари

ПОСЛЕДНИ ВЕСТИ

17-годишниот, ученик во средно училиште, Ави Шифман кој живее во Вашингтон направил веб страница за следење на коронавирусот.

Се работи за платформата ncov2019.live, која овозможува посетителите да ги проверат сите релевантни информации за коронавирусот, како и статистички податоци за ширењето на зараза во други земји, пишува Бизнис Инсајдер.

Како би им овозможил поратоци на своите посетители, Шифман ги поминува деновите и ноќите собирајќи податоци. Вели дека еднаш на страницата работел дури 50 часа без прекин.

Страницата има 30 милиони посети дневно, а до сега 700 милиони луѓе ги користеле нејзините податоци.

„Страницата во потполност го презема мојот живот. Бев лош ученик во текот на првите две недели, кога страницата стана многу популарна“, истакнал Шифман за Бизнис Инсајдер.

View this post on Instagram

water ?

A post shared by Avi Schiffmann (@avischiffmann) on

Сепак, средношколецот не размислува за профитот, а секојдневно добива понуди за поставување на огласи на веб страницата. Конкретно, во еден случај понудени му се осум милиони долари за користење на простор на неговата страница за огласи, што тој ја одбил.

Тој истакнал дека може да заработи повеќе од 30 милиони долари кога би поставувал огласи, но тоа не била целта на страницата.

„Имам 17 години, не ми требаат осум милиони долари. Не сакам да бидам профитер“, додал Шифран.

“Се надевам дека во иднина ќе има поголем притисок врз Светската здравствена организација да направи алатка како оваа. Одговорноста не треба да биде на некое дете и очигледно е дека луѓето сакаат да ја знаат статистиката”, заклучува Шифман.