На социјалната мрежа Фејсбук пристигна нова реакција поврзана со пандемијата на коронавирусот.
Имено, покрај лајковите, срцињата и останатите реакции Фејсбук додаде нова која означува дека лицето се грижи, односно реакција за грижа која е претставена како емоџи кое прегрнува срце, а од компанијата истакнуваат дека се надеваат оти реакцијата ќе им помогне на луѓето да се чувствуваат поврзани со семејството и пријателите од кои можеби во овој период се одвоени.
Новата реакција доаѓа и на месинџер, но ќе изгледа малку поинаку – ќе биде во облик на пулсирачко виолетово срце.
Новото емоџи започна да се прикажува кај корисници ширум светот, а реакциите се поделени. Додека некои го сметаат за прекрасно, други тврдат дека е бескорисно и го исмејуваат.
„Апсолутно ја злоставувам оваа реакција, бидејќи на сите сега ни е потребна прегратка“, пишува корисник.
„Знам дека е тривијално, но новото емоџи на Фејсбук за грижа навистина ми го разубави утрото“, пишува корисник.
„Единственото добро што Фејсбук го направи е додавањето на реакцијата со прегратка“, пишува корисник.
„Новото прегратка-емоџи изгледа како да има менструален циклус. Секогаш ќе имам грч реакција кога ќе го користам“, пишува друг корисник.
„Здраво, Фејсбук, колку и да ја ценам реакцијата со „прегратка“, всушност ми треба фејспалм, превртување со очите и повраќање“, пишува корисник.
„Фејсбук додаде реакција со прегратка. Како ли успеаа да ја изберат најбескорисната реакција што некогаш би ја одбрале“, пишува друг корисник.
Друг корисник пак се закани:
„Ако ја користите оваа реакција кај мене, ќе мора да ве избришам“